[美食攻略]
新加坡著名既過江龍餐廳 - 亞坤較早前進註香港，曾經引起一陣既熱潮既，不過好快冷卻左，仲食左好多負皮添！其實又係咪真係咁差呢？
招牌菜，咖央多，唔食又點叫黎過！咖央醬真係好香，夾多士係正既！最好就叫埋杯咖啡一齊歎啦！可惜，我從來都清楚明白咖啡沙冰係會嚴重沖淡咖啡味，不過呢杯榛子咖啡又沖得誇左啲喎！唔止沖走左咖啡味，連我既最愛榛子味都一次過捲走哂！淡到呢！
由於食完咖央多個胃口開哂，忍唔住叫左碗喇沙。湯底係香咖，而且又唔會俾辣味覆蓋哂喇沙本身既香味！值得讚咖！
雖然整體黎講好似無新加坡咁好食，不過以咁既價錢都不失為一個醫肚既選擇！人均消費都係大約HKD$60~70，未食過既都可以一試既！
亞坤
尖沙咀漆咸道南45-51號其士大廈地下C & D 舖
Search